الافلام والترانيم المسيحية


    مسرحية عيد الميلاد

    شاطر
    avatar
    Admin
    Admin

    عدد المساهمات : 16
    السٌّمعَة : 0
    تاريخ التسجيل : 03/12/2009

    مسرحية عيد الميلاد

    مُساهمة  Admin في الجمعة ديسمبر 04, 2009 8:46 am

    مطرانيه ملوي وانصنا والاشمونين
    كنيسة مارمينا والقديس يوليوس الاقفهصى
    تقــــــــــــدم
    مسرحية : غــــابة المحبة[/center]
    الأشخاص: (ارنوب ــ فلافيلوــ وتعلوب ــ ودبدوبة ــ وملك الغابة ــ وكلوب ــ وفشة ـ قرشة)

    المشاهد: ثلاثة مشاهد
    "" المشهــــد الأول ""
    يدخل ارنوب ويقول..
    ارنوب: أزيكم يا اصحابى عرفين أنا اسمي ايه ... أنا اسمي ارنوب وتعالوا أعرفكم على بقية الغابة
    • ( وبعد ذلك يدخل تعلوب ودبدوبة وفلافيلو )
    ارنوب: ده اسمه فلافيلو واللي هناك ده دبدوبة وده بقى تعلوب تعالوا لما أصبح عليهم ... صباح
    الخير يا فلافيلو.
    فلافيلو: صباح الخير يا.
    ارنوب: صباح الخير يا دبدوبة.
    دبدوبة: صباح الخير يا فلافيلو.
    ارنوب: صباح الخير يا تعلوب.
    تعلوب: صباح الخير يا فلافيلو.
    ارنوب: ايه الأخبار خلصتوا شغل ولا لسه .
    دبدوبة: لا لسه شوية
    تعلوب: ممكن تشتغل بكاني شوية يا ارنوب .
    ارنوب: ومالوه إحنا أخوات طبعاً ..
    ارنوب: ياله لما الحق اشتغل انا كمان علشان اخلص بسرعة
    وهنا يخرج باقي الأشخاص إلى خلف الستار ويبقى ارنوب لوحده
    ( يمشى ارنوب ويمسك قوالب طوب وهو ماشى يقول اه اه اما الطوب ده تقيل بشكل
    ده الناس البنيين دول بيتعبوا بشكل .... ثم يستمر فى تكرار كلمة أه اه...
    ( ويدخل بعد ذلك قرشة الاب وفيشة الابن )
    قرشة : يله ياواد يافشة تعاله تعالى ارنوب هناك تعالى نعمل فيه مقلب علشان نقدر ناخذ منهم الغابة
    دى ونخلص
    فشة: ماشى يا ابا ليه بينا .
    قرشة : ايه يارنوب مالك تعبان كده ليه ايه امال فين اصحابك اكيد سبوك يامسكين لوحدة امال تشيل
    فى القوالب وتاعب نفسك وهما قعدين يلعبوا ويزغتتوا وانت يا مسكين قاعد تشيل وتحط فى القوالب.
    ارنوب: ايه وانت مالك بيه انت فى حالك وان فى حالى ابعد عنى بقى ان كان على الغابة احنا مش
    هنبيعها ابعد عنى بقى يااخى .
    قرشة: ايه انت مش عارفنى انا بحبك وعايز مصلحتك
    فشة : ايه يا ابا انت بتحبوا اكتر منى ولا ايه يا ابا
    قرشة: فيه ياد دى لعبة عليه علشان ناخد انا الغابة ..
    قرشة: اه يا ارنوب انا عايزك يابنى تسمع كلامى وانا هفيدك بحاجات كتير .
    ارنوب: يعنى انت عايز ايه منى.
    قرشة: انا عايز مصلحتك طيب ايه رايك انى اصحابك دول مش بيحبوك .
    ارنوب: اصحابى ايه لا طبعاً انت اكيد عايز تخدعنى علشان تاخد الغابة احنا بحب بعضينا علشان كده
    سمناها غابة المحبة .
    قرشة: طيب ايه رايك انا هثبتلك ده قدامك
    ارنوب: اذى اذى.
    قرشة: انت تعمل انك ميت وهما اول ميشفوك هيسبوك علطول
    ارنوب: فكرة حلوة انا هعرف انى كلامك صح ولا غلط .
    قرشة: طيب يله بسرعة نام على الارض كانك ميت وهما هناك اهم جيين علينا بسرعة بسرعة.
    قرشة: يلة احنا يا واد يافشة نستخبا بسرعة
    فشة: ياله يله يا ابا بسرعة.
    ( يدخل بعد ذلك تعلوب ودبدوبة وفلافيلو ويقالون اى كلام بصوت منخفض ثم تقول دبدوبة.)
    دبدوبة : ايه ده ارنوب ارنوب ارنوب مات
    تعلوب : ارنوب ارنوب رد عليه رد عليه ياارنوب
    فلافيلو: ارنوب ارنوب صديقى وحبيبى رد عليه رد عليه ياارنوب.
    دبدوبة : لا لا متموتش دلوقتى يا ارنوب لسه بدرى عليك يارنوب لسه بدرى
    تعلوب : مش لازم نقعد ازيد من كده ياله بينا بسرعة قبل ما حد يشفنا ويبلغ ملك الغابة.
    دبدوبة: ايه ايه اللى بتقولوا ده نسيب ارنوب صحبنا ونمشى كده طبعاً لالا
    فلافيلو: ايه ده يا تعلوب تسيب ارنوب ميت مع انى انت اللى خليتوه ياخد شغلك ويعملوه بكانك طبعاً لالا
    ( يدخل قرشة وفيشة ابنه المسرح ويقول قرشة..)
    قرشة: ايه ايه ياحلويين ريحين على فين انتو فكرين انى مفيش حد شافكم لا طبعاً امال انا رحت فين
    انا شاهد عليكم انتو الكل اللى مويتوا ارنوبة ولازم اقول لملك الغابة علشان يقتلكم بالسيف.
    فيشة : وانا كمان يا ابا انا شاهد معاك.
    فلافيلو :ايه ايه فيه ايه ياعم احنا موتنا ارنوب لا لا طبعاً لا احنا جينا وشفنا هنا مرمى على الارض
    وميت بس ادى كل اللى احنا شفناه
    تعلوب: ايه ياعم احنا مموتنهوش ذى فلافيلو بيقول احنا عايزين نمشى اللـه يخليك ياعم مشينا.
    قرشة: تمشوا اه تمشوا بس على شرط
    تعلوب وفلافيلو: (بصوت واحد يقولون ) : ايه ايه قلنا بسرعة ..
    قرشة: تمشوا من الغابة كلها ومترجعوش هنا تانى ماشى .
    تعلوب وفلافيلو: (بصوت واحد يقولون ) : ماشى ماشى يلبينا بسرعة .
    دبدوبة: ايه نمشى لالا انا مش ماشية من هنا انا لازم اقعد هنا فى غابتى اللى انا اتولد وعيشت فيها
    امشى لالا طبعاً دى غابتى وانا بحبها وهي بتحبنى.
    قرشة : يا بينا بسرعة يا اد ده باين ملك الغابة جاى علينا بسرعة بسرعة ياله نهرب.
    فيشة : ماشى ياله يا ابا .
    ( ويهرب فلافيلو وتعلوب وقرشة وفيشة ويدخل ملك الغابة ومعاه كلوب )

    ملك الغابة: ايه ياكلوب اخبار الغابة الايام دى.
    كلوب: هو هو كله تمام يا باشا.
    ملك الغابة: طيب الحمد اللـه ... ايه ده ايه ده ايه اللى هناك ده مين دبدوبة ومين ده كمان ارنوب فيه
    ايه يادبدوبة ايه ارنوب مات ارنوب مات لازم ان انت اللى قتلتيه .
    دبدوبة: مش انا اللى قتلته مش انا اللى قتلته .
    مللك الغابة: يا كلوب..
    كلوب: هو هو نعم يامولاى .
    ملك الغابة: تعالى واقبض على دبدوبة وحتها فى السجن لحد من نححقق فى القضية .
    كلوب: هو هو امر مولاى.
    ( وياخذ كلوب دبدوبة الى خارج المسرح ويتبعه ملك الغابة ثم يصحا ارنوب ويقول...)
    ارنوب: ايه ده ايه دبدوبة دبدوبة دبدوبة هتموت بسببى ايه ايه اللى انا عملتوه ده انا لازم اروح لملك
    الغابة واقوله انى انا كنت بمثل ودبدوبة ملهاش ذنب دبدوبة ملهاش ذنب دبدوبة ملهاش ذنب .
    (يدخل قرشة وفيشة ويقول قرشة لارنوب..)
    قرشة: ايه على فين يا امور انت فاكر انها سهلة كده ... لا طبعاً تعالى تعالى يا امور واحنا هنقوله. يا أد
    يا فشة تعالى وامسك ارنوب وحته فى القفص مع باقى الارانب اصحابه.
    فشة : ماشى ماشى يا ابا .
    ( ويخرج فشة وقرشة ..)

    "" المشهــــد الثانـــى ""
    ( يدخل قرشة ويكون معلق مفتاح فى رقبته ويكون فشة قاعد على كرسى امام القفص)
    قرشة :يا اد يا فشة يا اد يافشة انت فين .
    فشة: انا هنا يا ابا .
    قرشة: ايه يا اد ايه اخبار الارنوب بتاعنا .
    فشة: امال يا ابا شغال زن زن مش عارف انام بسببه .
    قرشة : خلاص يا اد ادخل الاوضة نام وانا هنام هنا فى جنبه .
    فشة: طيب منام هنا فى جنبه يا ابا وانت تدخل تنام فى الاوضة.
    قرشة: ادخل يا اد نام وخلص.
    ( ويخرج فشة الى خارج المسرح..)
    قرشة: ياله يا ارنوب نام وخليك شاطر علشان اعرف نام انا التانى.
    ( وينام قرشة على الكنابة التى امام القفص )
    ارنوب: اه اه يارب انا اللى غلطان علشان تبعت كلام قرشة وفشة ابنه العبيط ده كان لازم ابعد عنهم
    ومتبعش كلامهم... ايه ده المفتاح اهه الحق اخده قبل ما قرشة يصحا من النوم ..
    ( ثم ياخذ ارنوب المفتاح ويهرب من القفص )
    "" المشهـــد الاخيــر ""
    ( يكون ملك الغابة قاعد على كرسى ودبدوبة فى القفص وكلوب امام القفص ويكون تعلوب
    وفلافيلو وقفين ويقول ملك الغابة..)
    مللك الغابة: عند اى اقوال يا دبدوبة .
    دبدوبة: مش انا اللى قتلته يا مولاى مش انا اللى قتلته.
    مللك الغابة:لا كان كل الادلة ضدك يا دبدوبة ... ياكلوب
    كلوب: هوهو نعم يا مولاى.
    مللك الغابة: خد دبدوبة واقتع راسها.
    ( واثنا سير كلوب لقتل دبدوبة فى اخر لحظة يقول تعلوب ... )
    تعلوب: استنا استنا يا كلوب .. انا يا مولاى اللى قتلت ارنوب دبدوبة ملهاش ذنب.
    مللك الغابة: ايه ايه اللى بتقوله ده يا تعلوب.
    تعلوب: ايوة يا مولاى انا اللى قتلت ارنوب.
    ( يدخل ارنوب ويقول )
    ارنوب: استنوا استنوا استنا يا مولاى انا عايش لسه مموتش ده كله تمثلية كنت بعملها علشان اعرف
    اصحابى بيحبونى وله لا وكله ده بسبب قرشة وفشة .
    ( يدخل قرشة وفشة ويقول قرشة...)
    قرشة : ايه هو فين هو فين ارنوب .
    مللك الغابة: اهلاً انتوا وقعتوا اهلاً بيكم ... يا كلوب تعالى واقبض على قرشة وفشة .
    كلوب: هوهو امر مولاى ..
    مللك الغابة: ايه يا اصحابى اسيبهم ولا اموتهم ..
    ( هيرد الاطفال ويقولوا موتهم ولكان مللك الغابة هيقول..)
    مللك الغابة: بس بس احنا فى غابة المحبة ..
    ( ثم تنتهى المسرحية بترنيمة عن المحبة )
    "" [center]امين ""
    "" amen ""

      الوقت/التاريخ الآن هو السبت ديسمبر 16, 2017 7:08 pm